زندگی خاک نہ تھی خاک اڑاتے گزری

zindagi khaak na thi, Khaak Urrate Guzri - Sad urdu poetry- urdu ghazal

زندگی خاک نہ تھی خاک اڑاتے گزری
تجھ سے کیا کہتے تیرے پاس جو آتے گزری

دن جو گزرا تو کسی یاد کی رَو میں گزرا
شام آئی , تو کوئی خواب دکھاتے گزری

اچھے وقتوں کی تمنا میں رہی عمرِ رواں
وقت ایسا تھا کہ بس ناز اُٹھاتے گزری

زندگی نام اُدھر ہے, کسی سرشاری کا
اور اِدھر دُور سے ایک آس لگاتے گزری

بارہا چونک سی جاتی ہے مسافت دل کی
کس کی آواز تھی یہ کس کو بلاتے گزری

نصیر ترابی

Read Previous

مدت کے بعد لوٹ کے آیا ہوں گاؤں میں